„Келинлар қўзғолони“ (русча: Бунт невесток) — таниқли ўзбек режиссори Мелис Абзалов 1984-йил яратган кинокомедия. Комедия Саид Аҳмаднинг шу номли асари асосида олинган. „Келинлар қўзғолони“ совет даврида олинган энг яхши ўзбек кинокомедияларидан бири ҳисобланади. Мелис Абзалов 1982-йил яратган „Суюнчи“ филмидаги каби „Келинлар қўзғолони“да ҳам қаттиққўл буви ҳақида сўз боради.
Фармон биби (Турсунхон Жаʼфарова ижро этган) меҳрибон, аммо жуда қаттиққўл она бўлиб, ўзининг етти ўғли ва уларнинг оилалари билан бир ҳовлида яшайди. Энг кенжа ўғлига тушган келин Нигора Фармон бибига қарши „қўзғолон“ кўтаради, бошқа келинлар эса уни қўллаб-қувватлайди. Фармон биби келинларига ён беришга ва уларнинг талабларини бажаришга мажбур бўлади.